ФЭНДОМ


Eyge.jpg
Саха сахатынан кэрэ дииллэр.

Бу иһэ истээх. Ол аата биһиги өбүгэлэрбит өркөн өйдөрө, сиэрдэрэ-туомнара билиҥҥи дьоҥҥо тыыннаах удьуор буола сылдьарын ааттыыллар. Оттон саха буолуу, саха тылын билиини кытта ыкса ситимнээх диэтэххэ ким да мөккүспэт буолуохтаах. Ол аата саха тыла баар - өбүгэлэрбит тыыннара баар. Оттон тылбытын сүтэрдэхпитинэ - өбүгэлэрбитин сүтэрэбит. Хаһан да баар буола сылдьыбатахтарын курдук гынабыт.

Мин саныахпар, саха буоларбыт олоххо туттуллар өссө биир суолталаах: Саха буоламмыт бу дьалхааннаах кэмҥэ бэйэбит бэйэ буолабыт, мунан-тэнэн, сүтэн, симэлийэн хаалбаппыт. Атын омуктарга төрдө-ууһа суох дьон курдук көстүбэккэ, ытыктатабыт, санаабытын ылыннарабыт. Ыччаппытын конкурентнай оҥоробут.

Оттон өбүгэлэрбит култууратын тута сылдьар төрөөбүт тылбыт, олох уларыйдаҕын аайы, көлүөнэлэр солбустахтарын аайы уларыйан-тэлэрийэн иһэр. Бу айылҕа оҥоһуута, олох хаамыыта, ону бохсор табыллыбат. Ол эрээри ити эппит уларыйыыбыт кэхтии, умнуу уларыйыыта буолбатын, сайдыы уларыйыыта буоларын ситиһиэхтээхпит. Бу соругу ситиһэргэ элбэх суоллар бааллар. Ол суоллар бастатан туран политикаҕа, уопсастыба санаатын сөпкө сааһылааһыҥҥа сыталлар, уонна тус бэйэлэрэ элбэх ньымалардаахтар. Олору барытын манна аҕалар, быһаарар сатаммата буолуо. Бу сир соруга - ол суоллартан биирин талан, соҕотох хайысханы дьоҥҥо көрдөрүү - саха тыла көмпүүтэр эйгэтигэр, интэриниэт эйгэтигэр бигэтик киирэрин ситиһиини. Тылбыт IT-эйгэтигэр ирэ-хото киирдэҕинэ эрэ тылбыт сүмэтин ыччаттарбытыгар биэриэх кэриҥнээхпит. Тоҕо диэтэххэ аныгы ыччат билиини үксүн дьонуттан эбэтэр иитэр-такайар учууталларыттан буолбакка, интэриниэттэн уонна да атын техника эйгэлэриттэн ылар буолла. Биллэн турар онно сахалыы туох да суох буоллаҕына - ыччаппыт атын култуура ыччатыгар кубулуйара биллэр.

Онон сорукпут - хайдах гынан тылбытын бу эйгэҕэ киллэрэрбитин тобулуу.

Обнаружено использование расширения AdBlock.


Викия — это свободный ресурс, который существует и развивается за счёт рекламы. Для блокирующих рекламу пользователей мы предоставляем модифицированную версию сайта.

Викия не будет доступна для последующих модификаций. Если вы желаете продолжать работать со страницей, то, пожалуйста, отключите расширение для блокировки рекламы.

Также на ФЭНДОМЕ

Случайная вики